"Nənəmin təndiri"də yanğın oldu - Video
19 Noyabr 2026, 00:22
Qaynar xətt:
(+99450) 247 90 86
CƏMİYYƏT
711
29.10.2026, 15:36
Prezident Administrasiyasının sabiq rəhbəri Ramiz Mehdiyevin qızının mətbuata açıqlaması birmənalı qarşılanmayıb. Bir çoxları onun atasının vətənə xəyanətdə ittiham olunmasını əsas gətirərək qızının vəzifəsində qalmasını doğru hesab etmir. Bəzi şəxslər hesab edirlər ki, Mehdiyev müəyyən imtiyazlardan məhrum edilibsə, onun ailə üzvləri də hansısa formada sanksiyalara məruz qalmalıdır. Arqumentləri budur ki, onlar o vəzifəyə Mehdiyevin vasitəsilə gəliblər.
Bu yanaşma nə dərəcədə doğrudur?
Oxu24.com xəbər verir ki,Globalinfo.az-a danışan hüquq müdafiəçisi Novella Cəfəroğlu deyib ki, Ramiz Mehdiyevin qızı heç vaxt özünü başqalarından üstün tutmayıb:
“Mən onun qızı haqqında çox müsbət fikirlər eşitmişəm. Kamilə Əliyeva həmişə insanlarla münasibətdə səmimi və mehriban davranıb. Eyni zamanda, öz işini mükəmməl bilir və peşəkar fəaliyyətini layiqincə yerinə yetirir. Atasının əməllərinə görə niyə məsuliyyət daşımalıdır?”.
Oxu: Ramiz Mehdiyev harada dəfn olunacaq?
Hüquq müdafiəçisi bildirib ki, istənilən insanı ailə üzvlərinin hərəkətlərinə görə yox, öz fəaliyyətinə və davranışlarına əsasən qiymətləndirmək lazımdır:
“Əgər Mehdiyevin qızının işində hər hansı narazılıq yoxdursa, vəzifə öhdəliklərini layiqincə yerinə yetirirsə, sırf atasına görə işdən çıxarılması nə dərəcədə doğrudur? Belə yanaşma nə obyektivlik, nə də ədalət prinsipləri ilə uzlaşır. Hər kəs öz əməllərinə görə qiymətləndirilməli, başqasının məsuliyyəti onun üzərinə qoyulmamalıdır”.
Xatırladaq ki, Prezident Administrasiyasının sabiq rəhbəri Ramiz Mehdiyev 14 il müddətinə azadlıqdan məhrum edilib. Bu barədə oktyabrın 22-də Bakı Ağır Cinayətlər Məhkəməsi hökm çıxarıb. R.Mehdiyevin yaşı və xəstəlikləri ilə əlaqədar sağlamlıq vəziyyəti nəzərə alınmaqla Cinayət Məcəlləsinin 70-ci maddəsinə əsasən təyin edilmiş azadlıqdan məhrumetmə cəzasının şərti olmasına qərar verilib. Hökmdə, həmçinin, Ramiz Mehdiyevin dövlət təltiflərindən məhrum edilməsinə baxılması üçün təqdimat göndərilməsi qərara alınıb. Ramiz Mehdiyevin əmlakının müsadirə olunaraq dövlət nəfinə keçirilməsi də hökmdə əksini tapıb. Oktyabrın 28-də isə Azərbaycan Milli Elmlər Akademiyası (AMEA) Rəyasət Heyəti Ramiz Mehdiyevin akademiya üzvlüyündən çıxarılması barədə qərar qəbul edib.
Bütün bunlarla bağlı onun qızı, Bakı Dövlət Universitetinin Sosial və pedaqoji psixologiya kafedrasının müdiri Kamilə Əliyeva sualları cavablandırmaqdan imtina edib. “Vaxtımız yoxdur, danışmaq da istəmirəm”, – K.Əliyeva bildirib. R.Mehdiyevin qızı daha sonra telefonu bağlayıb.
00:22 / 19 Noyabr 2026
147
23:10 / 18 Noyabr 2026
103
22:45 / 18 Noyabr 2026
99
22:40 / 18 Noyabr 2026
101
22:25 / 18 Noyabr 2026
101
22:25 / 18 Noyabr 2026
109
22:15 / 18 Noyabr 2026
102
22:11 / 18 Noyabr 2026
115
21:55 / 18 Noyabr 2026
109
21:53 / 18 Noyabr 2026
289
21:40 / 18 Noyabr 2026
123
21:26 / 18 Noyabr 2026
119
21:20 / 18 Noyabr 2026
119
21:09 / 18 Noyabr 2026
123
21:03 / 18 Noyabr 2026
479
20:53 / 18 Noyabr 2026
148
20:50 / 18 Noyabr 2026
126
20:45 / 18 Noyabr 2026
336
20:42 / 18 Noyabr 2026
178
20:40 / 18 Noyabr 2026
136
20:34 / 18 Noyabr 2026
144
20:28 / 18 Noyabr 2026
138
20:19 / 18 Noyabr 2026
801
© 2026 Oxu24.com Müəllif hüquqları qorunur.