Məktəblilərlə bağlı VACİB ÇAĞIRIŞ: Bu məsələyə diqqət artırılmalıdır 

Məktəb yaşlı uşaqların sağlam qidalanması onların fiziki inkişafı, immun sisteminin möhkəmlənməsi və zehni fəaliyyətinin yaxşılaşması baxımından mühüm əhəmiyyət daşıyır. Uşaqlıq dövründə formalaşan qidalanma vərdişləri gələcəkdə sağlam həyat tərzinin əsasını qoymaqla yanaşı, cəmiyyətin ümumi sağlamlıq səviyyəsinə də təsir göstərir.

Bəs məktəblilərin düzgün qidalanmasının təmin olunması üçün hansı addımlar atılmalıdır?

Oxu24.com  bildirir ki, mövzu ilə bağlı konkretaz-a danışan qida texnoloqu Ağa Salamov bildirib ki, uşaqların sağlam qidalanması yalnız fərdi sağlamlıq məsələsi deyil, həm də cəmiyyətin gələcəyinə yönəlmiş mühüm sərmayədir.

“Sağlam qidalanan uşaqların inkişafı, təhsil imkanları və gələcək həyat keyfiyyəti üçün daha əlverişli şərait yaranır. Uzunmüddətli perspektivdə düzgün qidalanma ilə əlaqəli xəstəlik risklərinin azaldılması, səhiyyə xərclərinin aşağı salınması və insan kapitalının gücləndirilməsi baxımından da müsbət nəticələr əldə etmək mümkündür.

Məktəblilərin sağlam qidalanması yalnız valideynlərin üzərinə düşən məsuliyyət kimi qiymətləndirilməməlidir. Bu istiqamətdə təhsil müəssisələrinin, valideynlərin, səhiyyə mütəxəssislərinin, qida istehsalçılarının və dövlət qurumlarının birgə fəaliyyəti vacibdir”.

Ağa Salamovun fikrincə, məktəblərdə təqdim olunan yeməklərin qida dəyəri, porsiyaların uşaqların yaşına uyğunluğu, menyuların müxtəlifliyi, içməli suya əlçatanlıq və qida təhlükəsizliyi məsələlərinə kompleks yanaşılmalıdır. Bu amillərin hər biri uşaqların sağlam inkişafını dəstəkləyən qidalanma mühitinin formalaşmasında mühüm rol oynayır.

Ekspert vurğulayıb ki, əsas məqsəd uşaqlara sadəcə yemək verməklə məhdudlaşmamalı, onların sağlam inkişafını təmin edən düzgün qidalanma şəraiti yaradılmalıdır. Məktəb illərində formalaşan qidalanma vərdişləri çox vaxt insanın yetkinlik dövründəki həyat tərzinə də təsir edir.

O, əlavə edib ki, uşaqların sağlam qidalanmasına ayrılan diqqət və resurslar əslində cəmiyyətin gələcək sağlamlığına, təhsil səviyyəsinə və sosial rifahına qoyulan sərmayədir.

Həmçinin oxuyun

Məktəblilərlə bağlı VACİB ÇAĞIRIŞ: Bu məsələyə diqqət artırılmalıdır 

5 günlük TƏTİL OLACAQ

Bu şəxslərə paxla yemək QADAĞANDIR -HƏKİM AÇIQLADI

Rəcəb Tayyib Ərdoğan İlham Əliyevə zəng edib