Azərbaycanda qadınlara “analıq kapitalı” verilə bilər? – 18 min manat…

CƏMİYYƏT

305

06.10.2026, 23:10

Xəbərlərimizi Google-da izləyin

Yeniliklərdən dərhal xəbərdar olun

Rusiyada ailələrə uşağın doğulması ilə bağlı uzunmüddətli maliyyə dəstəyi göstərilir. 2026-cı ildə ilk uşağını dünyaya gətirən ailəyə təxminən 729 min rubl, yəni 14 min manatdan çox analıq kapitalı ödənilir. İkinci uşaq üçün isə bu məbləğ 963 min rubla, təxminən 18 min 800 manata çatır. Bu ödəniş uşağın doğulmasına görə verilən ayrıca birdəfəlik müavinətdən əlavə təqdim olunur. Analıq kapitalı ailənin mənzil, təhsil və uşağın gələcəyi ilə bağlı digər xərclərinin qarşılanmasına yönəldilə bilər.

Bəs Azərbaycanda da analıq kapitalına bənzər, uşağın böyüdülməsi və ailələrin uzunmüddətli maddi yükünün azaldılmasına xidmət edən yeni dəstək mexanizminin tətbiqi mümkündürmü?

Oxu24.com xəbər verir ki, globalinfo.az-a danışan iqtisadçı Ruslan Atakişiyev deyib ki, bununla bağlı hesablamalar aparılmalıdır:

“Nə qədər uşağın doğulduğu və bu uşaqlara hansı yaşa qədər, hansı həddə və hansı müddət ərzində ödəniş verilə biləcəyi müəyyənləşdirilməlidir. Ümumiyyətlə, himayəçilər, analar və yaxud himayəyə götürən şəxslər üçün həmin məbləğlər müəyyən edilə bilər. Amma yenə deyirəm, bu məsələ dövlətin sosial müdafiə xərcləri və sistemi ilə əlaqəli şəkildə nəzərdən keçirilməlidir ki, sosial müdafiə xərclərindən uzaqlaşma baş verməsin”.

İqtisadçının fikrincə, məsələyə baxıla bilər:

“Ailələrə göstərilən dəstəklər çərçivəsində bunun da yer alması ayrıca büdcənin formalaşdırılması və büdcə mənbələrinin müəyyənləşdirilməsi məsələsidir. Bunlar bir-birinə uyğun olduğu halda, belə məsələlərə baxıla bilər”.

Həmçinin oxuyun