Sərhədi keçən əsgərimizə görə  Ermənistanda nə baş verir?  — Paşinyan da DANIŞDI

Ermənistanın Müdafiə Nazirliyində və digər güc strukturlarında yeni istefalar gözlənilir.

Oxu24.com  xəbər verir ki, bu barədə Ermənistanın “Hraparak” nəşri mənbələrə istinadən məlumat yayıb.

Qafqazinfo yazır  ki, buna səbəb Azərbaycan Ordusunun hərbçisi Nəsimi Musayevin Ermənistan ərazisinə keçməsidir.

Belə ki, Azərbaycan hərbçisinin Sünik vilayətinin Şaki kəndinin ərazisində saxlanılmasından bir neçə gün sonra Ermənistanın Milli Təhlükəsizlik Xidmətinin (MTX) direktor müavini general-mayor David Sanamyan vəzifəsindən azad edilib. Onun istefasının rəsmi səbəbi açıqlanmasa da, Ermənistan mətbuatı qərarı məhz sərhəddə baş vermiş hadisə ilə əlaqələndirir.

Nəşr iddia edib ki, istefalar təkcə MTX ilə məhdudlaşmayacaq. Məlumata görə, bu hadisə təkcə Ermənistan MTX-nin deyil, həm də Müdafiə Nazirliyi daxil olmaqla bütün hüquq-mühafizə və güc strukturları ilə bağlı çatışmazlıqları ortaya çıxarıb. Belə ki, dövlət sərhədinin pozulması barədə məlumat alındıqdan sonra bütün müvafiq qurumlar əlaqəli şəkildə hərəkət etməli, ərazini mühasirəyə almalı və müəyyən radiusda axtarış aparılmalı idilər. Lakin iddia olunur ki, qeyd olunanların heç biri həyata keçirilməyib. Mənbələrin məlumatın görə, bu səbəbdən yaxın vaxtlarda Ermənistanın Müdafiə Nazirliyində və yaranmış fövqəladə vəziyyətə lazımi qaydada reaksiya göstərmədikləri iddia olunan digər strukturlarda da istefaların baş verəcəyi gözlənilir.

Xatırladaq ki, Azərbaycan Baş Prokurorluğunun məlumatına görə, Laçın rayonu istiqamətində yerləşən hərbi hissələrin birində müddətli həqiqi hərbi xidmət keçən Musayev Nəsimi Rasim oğlunun sentyabrın 26-sı xidmət yerində olmaması və olduğu yerin müəyyən edilməməsi ilə əlaqədar onun axtarışına başlanılıb.

Həyata keçirilən tədbirlər nəticəsində Nəsimi Musayevin Ermənistan ərazisində olduğu və aidiyyəti orqanlar tərəfindən saxlanıldığı müəyyən edilib. O, həmin ölkədə 2 ay müddətinə həbs olunub.

Qeyd edək ki,Ermənistanın Baş naziri Nikol Paşinyan Zəngəzurda saxlanılan Azərbaycan əsgəri Nəsimi Musayevin geri qaytarılıb-qaytarılmayacağı barədə suala konkret cavab verməyib.

Oxu24.com  xəbər verir ki, o, jurnalistlərin məsələ ilə bağlı sualını cavab olaraq yaxın günlərdə brifinq keçirəcəyini deyib.

“Cümə axşamı brifinqimiz var”, – baş nazir qeyd edib.

Jurnalistlər qərarın artıq qəbul edilib-edilmədiyini dəqiqləşdirməyə çalışsalar da, Paşinyan cavab vermədən ərazidən uzaqlaşıb.

View this post on Instagram

A post shared by oxu24.az (@oxu24.az)

Həmçinin oxuyun

İlhamə Quliyevanın məşhur "Unut məni"si bu müğənniyə həsr OLUNUBMUŞ

Sərhədi keçən əsgərimizə görə  Ermənistanda nə baş verir?  — Paşinyan da DANIŞDI

Gözəlov yüksək vəzifəyə TƏYİNAT ALDI -FOTO

Bu halda  texniki baxış mütləqdirmi? – Sürücülərə mühüm AÇIQLAMA