“SOCAR PETROLEUM” benzinlə bağlı AÇIQLAMA YAYDI
16 Noyabr 2026, 23:50
Qaynar xətt:
(+99450) 247 90 86
CƏMİYYƏT
1450
05.10.2026, 15:31
Oktyabrın 5-i Beynəlxalq Müəllimlər Günüdür. Bu əlamətdar gün UNESCO-nun qərarı ilə 1966-cı ildən qeyd edilir. Müstəqil Azərbaycan Respublikasında isə Beynəlxalq Müəllimlər Günü 1993-cü ildən qeyd edilir.
Müəllimlərlə bağlı cəmiyyətimizdə ən çox müzakirə olunan mövzulardan biri də onların maaşı ilə bağlıdır. Belə ki, zaman-zaman müəllimlərin əməkhaqlarının artırılmasına dair təkliflər səsləndirilir.
Bəs yaxın gələcəkdə müəllimlərin maaşında artım ola bilərmi?
Oxu24.com xəbər verir ki, bu barədə təhsil eksperti Elçin Əfəndi Bakıvaxtı.az-a danışıb.
Ekspert bildirib ki, hazırda ölkəmizdə əməkhaqqı baxımından bir çox sferalarla müqayisədə müəllimlərdə əməkhaqqı bir qədər aşağıdır:
"Elə müəllimlərimiz var ki, onların əməkhaqları yüksəkdir. Həmin müəllimlərin müvafiq olaraq əməkhaqları 2500-3000 manat və artıqdır. Lakin bunu bütün müəllimlərə şamil etmək olmaz. Bəzi müəllimlərin dərs saatları ümumiyyətlə azdır və 300-350 manat əməkhaqqı alırlar. Bu, minimum əməkhaqqı səviyyəsidir. Ümid edirik ki, yaxın gələcəkdə müvafiq yanaşmalar, yəni, diaqnostik qiymətləndirmə, sertifikasiya və bir sıra əlavə adlar ümumi müəllimlərin əməkhaqqına təsir göstərəcək", - deyə müsahibimiz əlavə edib.
Ekspert hesab edir ki, növbəti dövrdə metodist müəllim statusunu qazanan və tam ştat vahidinə keçən təhsil işçilərinin maaşlarında artım baş verəcək. Bu addım müəllimlərin sosial rifahının yüksəldilməsinə və yaşam şəraitinin xeyli yaxşılaşdırılmasına müsbət təsir göstərəcək.
Elçin Əfəndi müəllimlərə olan münasibətə də diqqət çəkib:
"Müəllim nüfuzuna xələl gətirən bəzi davranışlar, eləcə də pedaqoqların tədris prosesində yol verdikləri xətalar cəmiyyətin bu peşəyə yanaşmasına mənfi təsir göstərir. Bu gün əsas məqsəd müəllim adının nüfuzunu bərpa etmək və ona olan əvvəlki hörməti qaytarmaqdır. Çünki müəllimlik müqəddəs peşədir və bütün sahələr üzrə kadrların yetişdirilməsində aparıcı rol məhz onların üzərinə düşür. İstər məktəb, istər orta ixtisas, istərsə də ali və peşə təhsili olsun, bütün pillələrdə müəllimin rolu xüsusi və əvəzedilməzdir. Bu amili nəzərə alaraq, müəllim nüfuzunun bərpa olunması istiqamətində məqsədyönlü addımların atılması və müvafiq tədbirlərin görülməsi vacibdir".
23:58 / 16 Noyabr 2026
5
23:50 / 16 Noyabr 2026
38
23:37 / 16 Noyabr 2026
58
23:33 / 16 Noyabr 2026
62
23:25 / 16 Noyabr 2026
68
23:07 / 16 Noyabr 2026
83
22:57 / 16 Noyabr 2026
85
22:47 / 16 Noyabr 2026
90
22:30 / 16 Noyabr 2026
95
22:25 / 16 Noyabr 2026
127
22:21 / 16 Noyabr 2026
195
22:10 / 16 Noyabr 2026
125
21:59 / 16 Noyabr 2026
98
21:52 / 16 Noyabr 2026
135
21:46 / 16 Noyabr 2026
99
21:35 / 16 Noyabr 2026
124
21:30 / 16 Noyabr 2026
1750
21:24 / 16 Noyabr 2026
107
21:16 / 16 Noyabr 2026
120
21:01 / 16 Noyabr 2026
149
20:56 / 16 Noyabr 2026
115
20:54 / 16 Noyabr 2026
128
20:52 / 16 Noyabr 2026
161
© 2026 Oxu24.com Müəllif hüquqları qorunur.