Azərbaycanın bu ərazisində yeni şəhər yaradıla bilər – “İkinci paytaxt” 

Sosial şəbəkələrdə universitetlərə qəbul olaraq təhsil üçün Bakıya köçən tələbələrin paylaşımları paytaxtın artan yükü ilə bağlı müzakirələri gündəmə gətirib. İstifadəçilərin bir qismi yeni tələbə axınının onsuz da həddindən artıq yüklənmiş Bakıda vəziyyəti daha da ağırlaşdıracağını düşünür.

Əhali sıxlığı, nəqliyyat, infrastruktur və şəhərsalma sahəsində artan problemlər fonunda paytaxtın mövcud imkanlarının tələbatı qarşılamaqda çətinlik çəkdiyi bildirilir.

Bəs Bakının yükünü azaltmaq üçün ayrıca komissiyanın yaradılması və paytaxtın vəziyyətinin kompleks araşdırılması effektiv addım ola bilərmi? Şəhəri həddindən artıq yüklənmədən qorumaq üçün hansı tədbirlər görülməlidir?

Oxu24.com xəbər verir  ki,Globalinfo.az-a danışan iqtisadçı Vahid Əhmədov deyib ki, Bakı əhali baxımından kifayət qədər yüklənib:

“Mərkəzi şəhəri, paytaxtı bu qədər yükləmək olmaz. Artıq avtomobillərin sayı 2 milyona çatıb. Çıxış yollarından biri regionlarda iqtisadi inkişafın davam etdirilməsi, yeni iş yerlərinin açılmasıdır”.

V.Əhmədovun fikrincə, yeni bir şəhərin salınmasına ehtiyac var:

“Yaşma tərəfdə, yaxud Qaradağ istiqamətində yeni bir şəhər qurmaq olar. Bu şəhərin Bakıya yaxın olması vacibdir. Bəzi nazirliklər, universitetlər ora köçürülsün. Hətta paytaxtın mərkəzi funksiyalarının da müəyyən hissəsinin ora köçürülməsi mümkündür. Yəni müəyyən tədbirlər görməklə bu problemi həll etmək lazımdır. Əks halda vəziyyət daha da çətinləşəcək. İndi hələ dərslər başlamayıb, baxıram ki, artıq çox ciddi tıxaclar olur. Ona görə də bu, kompleks şəkildə həll olunmalı məsələdir”.

İqtisadçı bildirib ki, mütləq xüsusi komissiyanın yaradılmasına ehtiyac var:

“Ümumiyyətlə, Bakının qarşısında duran bu məsələ gələcəkdə çox ciddi problemlər yarada bilər. Nə qədər yollarda tikinti işləri aparılsa, alternativ yollar çəkilsə, yollar asfaltlansa da, bu, yenə öz bəhrəsini verməyəcək. Burada yeganə məsələ Bakıya yaxın yeni bir şəhərin qurulmasıdır. Yenə dediyim kimi, Yaşma və ya Qaradağ tərəfdə müəyyən bir şəhərin salınması və universitetlərin, müəyyən nazirliklərin ora köçürülməsi məsələsinə baxılmalıdır”.

Həmçinin oxuyun

Qaz limitləri ilə bağlı YENİ TƏKLİF

Müğənnidən hicab müzakirələrinə sərt reaksiya: “Allah cəzalarını verəcək

13 oktyabrda bizi nələr gözləyir? -ULDUZ FALI

Məktəbə hücum anının YENİ GÖRÜNTÜLƏRİ