Ekoloqdan həyəcan TƏBİLİ: "2050-ci ilə qədər '0 karbon' hədəfi reallıqdan çox uzaqdır!"  

İqlim dəyişikliyi müasir dövrün ən aktual və qlobal miqyaslı ekoloji problemlərindən biri olaraq qalır. Planetin gələcəyini təhdid edən bu proses həm təbiətə, həm də bəşəriyyətin sosial-iqtisadi həyatına ciddi ziyan vurur. Dünya ölkələri qarşısında istiləşmənin qarşısının alınması və ekoloji tarazlığın qorunması istiqamətində mühüm vəzifələr dayanır. Lakin bu məqsədlərə nail olmaq üçün mövcud maneələrin aradan qaldırılması xüsusi yanaşma tələb edir.

Oxu24.com xəbər verir ki, məsələ ilə bağlı tanınmış ekoloq Rövşən Abbasov fikirlərini bölüşüb.

Ekoloq bildirib ki, qlobal miqyasda qarşıda duran iki əsas və böyük məqsəd mövcuddur:

•Temperatur artımının məhdudlaşdırılması: Sənayedən əvvəlki dövrlə müqayisədə qlobal istiləşmənin 1.5 dərəcəyə qədər məhdudlaşdırılması hədəflənir.

•0 karbon sxeminə nail olmaq: Ölkələr 2050-ci ilə qədər ya atmosferə atılan istixana qazlarını sıfıra endirməli, ya da kompensasiya (karbon udan) texnologiyalarından istifadə etməlidirlər.

Onun sözlərinə görə, bütün bu səylərin əsas yolu karbon qazının azaldılmasından keçir. Lakin nəqliyyat, sənaye, şəhərlər və tikintilər kimi əsas mənbələrdən gələn emissiyaları azaltmaq olduqca çətindir:

“Nəqliyyat sektorunda avtomobillərin əsas hissəsi hələ də dizel və benzinlə işləyir. Elektrik avtomobillərinə keçid müsbət addım olsa da, həmin elektrik enerjisinin yenə də neft və ya qaz yandırılaraq əldə edilməsi məsələni tam həll etmir. Alternativ enerji mənbələri olan külək və günəş enerjisinin də özünəməxsus çətinlikləri, o cümlədən infrastruktura və utilizasiyaya bağlı problemləri mövcuddur”.

Rövşən Abbasov qeyd edib ki, Paris sazişləri çərçivəsində müəyyən uğurlar əldə edilsə də, bunlar hələ ki azdır. 2050-ci ilə qədər "0 karbon" sxeminə çatmaq mövcud şəraitdə, xüsusilə Azərbaycanda o qədər də real görünmür. Buna görə də ölkələr daha ağıllı texnologiyalar axtarmalı və mütəxəssislərin iştirakı ilə qərarlar qəbul etməlidirlər.

Çimnaz Telmanqızı

Həmçinin oxuyun

İşləyən şəxslərə VACİB XƏBƏR: Məzuniyyət belə veriləcək

Məktəbli faciəli şəkildə həyatını itirdi  - FOTO

5 oktyabrda bu bürclərə uğurlu olacaq   —  ULDUZ FALI

10 gün ərzində qeydiyyata düşməyənləri CƏRİMƏ GÖZLƏYİR – Hüquqşünas açıqladı