Prolaktin yüksəkliyi hər zaman MRT tələb edir? -VACİB AÇIQLAMA  

İnsan orqanizmində hormonların balansı sağlamlığın qorunmasında həlledici rol oynayır və bu prosesdə hər hansı bir dəyişiklik müxtəlif narahatlıqlara yol aça bilər. Xüsusilə son dövrlərdə qadınlar arasında tez-tez rast gəlinən prolaktin hormonu yüksəkliyi bir çox suallara səbəb olur. Bir çox xəstələr bu göstərici yüksələn kimi dərhal MRT müayinəsindən keçməyin vacib olub-olmadığını bilmək istəyirlər. Lakin mütəxəssislər hər yüksək nəticənin avtomatik olaraq MRT tələb etmədiyini vurğulayırlar. Bəs hansı hallarda əlavə müayinələrə ehtiyac var və makroprolaktin faktoru nədir?

Mövzu ilə bağlı Oxu24.com-a açıqlama verən Uzman həkim Leyla İbrahimxanlı bildirib ki, prolaktin əsasən hipofiz vəzisində sintez olunan və qanda səviyyəsi yüksəldikdə xəstələrdə müəyyən əlamətlərlə özünü büruzə verən vacib bir hormondur:

“Qanda bu hormonun miqdarının artması süd vəzisindən süd gəlməsi, aybaşı başı pozğunluqları kimi problemlərə səbəb ola bilər və eyni zamanda sonsuzluğun əsas səbəblərindən biri də ola bilər. Ancaq xəstədə süd vəzisindən süd gəlməsi və ya aybaşı pozğunluğu kimi əlamətlər yoxdursa, bu zaman hipofizdə şiş olma ehtimalını artırır”.

Onun sözlərinə görə, bəzən laboratoriya nəticələrində prolaktinin yüksək çıxmasının səbəbi "makroprolaktin" ola bilər. Makroprolaktin prolaktinin bir formasdır və heç bir təsiri yoxdur, çünki böyük molekul olduğu üçün damardan çıxa bilmir, heç bir reseptora birləşib təsir göstərə bilmir. Eyni zamanda böyrəklərdən də süzülə bilmir və qanda yalançı yüksəklik göstərən bir vəziyyətdir.

Hər yüksək prolaktin nəticəsinə görə MRT müayinəsi etdirmək mütləqdirmi?

Həkim qeyd edib ki, hər yüksək nəticə üçün MRT etdirmək lazım deyil. Çünki əgər xəstədə heç bir əlamət, yəni simptom yoxdursa, ilk başda xəstədə makroprolaktinin olub-olmadığını araşdırmaq lazımdır:

“Hətta bəzi ədəbiyyatlar prolaktin yüksək olanda hamıya makroprolaktin ehtimalı varmı kimi baxıb o cür analiz edilməsi lazımdır deyir. Ancaq bəzi xarici yenə ədəbiyyatlar deyir ki, yox, şübhə olduğu halda edin, çünki bunların hamısı laboratoriyada əlavə və gərəksiz israfa səbəb ola bilər.

Buna görə də həkimlər istədiyində, tələb etdiyində bir qism xəstələrə makroprolaktin testini edə bilərik. O zaman xəstə gərəksiz MRT əməliyyatına girməz, invaziv bir əməliyyata girməz və hətta dәrman müalicəsi almaz, sadəcə izləmək yetərlidir”.

Jalə

Həmçinin oxuyun

İşləyən şəxslərə VACİB XƏBƏR: Məzuniyyət belə veriləcək

Məktəbli faciəli şəkildə həyatını itirdi  - FOTO

5 oktyabrda bu bürclərə uğurlu olacaq   —  ULDUZ FALI

10 gün ərzində qeydiyyata düşməyənləri CƏRİMƏ GÖZLƏYİR – Hüquqşünas açıqladı