Bakı İqlim Həftəsi Azərbaycana nə qazandıracaq? – Ekoloqdan DİQQƏTÇƏKƏN AÇIQLAMA   

Bakı İqlim Fəaliyyəti Həftəsinin bu il UNFCCC-nin İqlim Həftəsi ilə eyni vaxtda keçirilməsi Azərbaycanın qlobal iqlim gündəliyinə verdiyi mühüm töhfələrin bariz nümunəsidir. Belə bir unikal format ölkənin yaşıl transformasiya istiqamətində gördüyü işlərin beynəlxalq tərəfdaşlara geniş miqyasda təqdim olunmasına əlverişli şərait yaradır. Bu prosesə biznes sektorunun, xüsusilə SOCAR Green kimi qurumların qoşulması yaşıl keçidin yalnız dövlət səviyyəsində qəbul edilən qərarlardan ibarət olmadığını, onun iqtisadiyyatın müxtəlif sahələrində konkret layihələr vasitəsilə reallaşdırılmasının vacibliyini nümayiş etdirir. Eyni zamanda, beynəlxalq iqlim platformasının Bakıda keçirilməsi ölkəyə yaşıl maliyyə, investisiya və texnologiya imkanlarının cəlb edilməsi baxımından əlavə üstünlüklər qazandıra bilər. Xarici tərəfdaşlarla qurulan əlaqələrin konkret layihələrə çevrilməsi Azərbaycanın beynəlxalq iqlim öhdəliklərinin icrasına da mühüm dəstək verər. Bu baxımdan, Bakı İqlim Fəaliyyəti Həftəsində əsas meyar sonrakı mərhələdə yeni investisiyalara, texnologiya transferinə, emissiyaların azalmasına və təmiz enerjinin genişlənməsinə nə dərəcədə töhfə verməsidir. Məhz bu nəticələr Azərbaycanın yaşıl keçid strategiyasının praktik uğurunu nümayiş etdirə bilər.

Mövzu ilə bağlı Oxu24.com-a açıqlama verən ekoloq İlqar Xəlilov bildirib ki, Qlobal iqlim çağırışlarına cavab verən həllərin təşviqi və bu istiqamətdə beynəlxalq əməkdaşlığın gücləndirilməsinə həsr olunan Bakı İqlim Fəaliyyəti Həftəsi (BCAW) işə başlayıb:

“SOCAR Green-in əsas tərəfdaşlığı ilə keçirilən Bakı İqlim Fəaliyyəti Həftəsi bu il ilk dəfə olaraq BMT-nin İqlim Dəyişmələri üzrə Çərçivə Konvensiyasının (UNFCCC) İqlim Həftəsi ilə paralel təşkil olunur”.

Onun sözlərinə görə, Bakı İqlim Həftəsinin ilk dəfə olaraq UNFCCC-nin İqlim Həftəsi ilə paralel keçirilməsi və SOCAR Green kimi qurumların bu prosesə qoşulması Azərbaycanın yaşıl keçid strategiyasına və beynəlxalq öhdəliklərinə praktiki baxımdan mühüm töhfələr verir. 

İlqar Xəlilov qeyd edib ki, bərpa olunan enerji mənbələrinin inkişafı, enerji səmərəliliyinin yüksəldilməsi, karbon emissiyalarının azaldılması və innovativ texnologiyaların tətbiqi bu əməkdaşlığın əsas istiqamətlərini təşkil edir.

Beləliklə, Bakı İqlim Fəaliyyəti Həftəsinin Azərbaycan üçün əsas nəticəsi tədbirin keçirilməsi ilə deyil, sonrakı mərhələdə real layihələrin, yeni investisiyaların, texnologiya transferinin və emissiyaların azaldılmasına yönəlmiş konkret addımların reallaşması ilə ölçülə bilər. Bu baxımdan, qarşıdakı dövrdə əldə olunacaq nəticələr Azərbaycanın yaşıl keçid strategiyasının praktik effektivliyini müəyyən edən əsas göstəricilərdən biri olacaq.

Çimnaz Telmanqızı

Həmçinin oxuyun

"Anam məktəb direktoru idi, amma dərsə buraxılmadım"

Qaz limitləri ilə bağlı YENİ TƏKLİF

Müğənnidən hicab müzakirələrinə sərt reaksiya: “Allah cəzalarını verəcək

13 oktyabrda bizi nələr gözləyir? -ULDUZ FALI