Diş ərpləri qida qalıqlarının və bəzi xəstəliklərin ağız boşluğunda əmələ gətirdiyi mikrofloradan əmələ gəlir. Ağız boşluğunun mikroflorasının əmələ gətirdiyi ərpin miqdarı artdıqca isə ağızdan xoşagəlməz iy gəlməklə yanaşı, ağız boşluğunda müxtəlif xəstəliklərin əmələ gəlməsinə səbəb olur. Bu xəstəliklər isə diş əti qanaxmalarına səbəb olur.

 

Bəzi insanlarda isə diş ərpinin əmələ gəlməsinə siqaret çəkmək, kofe içmək səbəb olur. Diş ərpləri dişlərdə kariesin də əmələ gəlməsinə səbəb olan amillərdən hesab edildiyinə görə onu vaxtaşırı təmizləmək lazımdır. Bunların baş verməməsi üçün iə 6 aydan bir diş həkiminə müraciət etmək lazımdır.

Aşağıdakılara əməl etməklə ev şəraitində diş ərplərindən xilas ola bilərsiniz:

Lazım olanlar:

- Yarım litr su

- 60 qram un şəklinə salınmış qoz qabığı

Hazırlanması:

Qoz qabığından alınmış un suya əlavə edilib qarışdırılır və zəif odun üzərində 10 dəqiqə qaynadılır. Bu zaman diş pastasına bənzər maddə əmələ gəlir. Bu maddə ilə dişləri ayda 2 dəfə 5 dəqiqə yumaq lazımdır.

 

Yadda saxlamaq lazımdır ki, ağız boşluğunun təmizliyi vacib məsələlərdən biri sayılır. Bu gözəl görüntü ilə yanaşı sağlamlıq baxımından da faydalıdır.

Dişlərdə ərpin əmələ gəlməməsi üçün isə hər dəfə qida qəbulundan sonra ağız boşluğunu yaxalamaq, gün ərzində ən azı dişləri 2 dəfə yumaq lazımdır. Ağız boşluğundakı iyi aradan qaldırmaq üçün isə nanə dəmləməsindən istifadə edə bilərsiniz.