Bu havalara DİQQƏT – D3 EHTİYACIMIZ TÜKƏNİR

Yavaş-yavaş ağaclarda qızılı yarpaqlar görünməyə başlayıb. Mövsüm dəyişikliyi bir qədər tez olsa da, özünü göstərməyə başlayıb. Bəs bu dəyişikliyin bizə təsiri varmı? Varsa nələrdir? Hava durumu psixologiyamıza necə təsir edir?

Mövsüm dəyişikliyində diqqət etməli olduğumuz məqamlardan biri immunitet sistemimizdir. İmmunoloq Ülkər Əliyeva deyir ki, bu aylarda tez-tez xəstələnmənin səbəbi insanların qapalı məkanlarda, normal havalandıma olmayan yerlərdə daha çox vaxt keçirmələridir.

Havaların dəyişməsi psixologiyamıza da təsirsiz ötüşmür. Bəzən payız aylarında özümüzü daha bitkin, yorğun və əlacsız hiss edirik. Klinik psixoloq Əli Nağıyev də deyir ki, hava durumunun dəyişməsi insan psixologiyasına ciddi təsir edə bilər. 

Psixoloq qeyd edir ki, belə vəziyyətdə insanlar mütləq psixoterapevtə müraciət etməlidirlər.

Bax belə... İcazə verməyin ki, hava əhvalınıza mənfi təsir eləsin.