Dərman alanlara xəbərdarlıq: Apteklərdə yeni vəziyyət necə olacaq? 

Oxu24.com xəbər verir  ki,Milli Məclisin deputatı, iqtisadçı Vüqar Bayramov Ajans.az-a açıqlamasında bildirib ki, dərman preparatlarına olan tələbatın yerli istehsal hesabına ödənilməsi əsas prioritetlərdən biri olmalıdır.

Onun sözlərinə görə, ölkədə dərman istehlakı kifayət qədər böyük vəsait tələb edir və bazarın idxaldan asılı olması həmin vəsaitlərin ölkədən çıxmasına səbəb olur: “Yeni dərman istehsalı müəssisəsinin istifadəyə verilməsi idxalın minimallaşdırılması və istehlakın daha çox yerli istehsal hesabına ödənilməsi məqsədi daşıyır. Dərman və əczaçılıq sahəsində istehsalın artırılması yerli istehsalın genişləndirilməsi baxımından prioritet istiqamətlərdəndir".

Deputatın fikrincə, yerli istehsalın artması yalnız idxaldan asılılığın azaldılması ilə məhdudlaşmır. Bu proses valyutanın ölkədə qalmasına, yerli istehsal hesabına əlavə dəyərin yaradılmasına və yeni iş yerlərinin formalaşmasına da imkan yarada bilər.

Yerli dərman istehsalının genişlənməsi vətəndaşın aptekdə ödədiyi məbləğə nə vaxt və hansı şərtlərlə təsir edə bilər?

Deputat qeyd edib ki, dərman bazarında yerli istehsalın artırılması idxaldan asılılığın minimallaşdırılması baxımından əhəmiyyətlidir: "Bu isə bazarda rəqabətin necə formalaşacağı, yerli məhsulların qiymətinin idxal olunan preparatlarla müqayisədə hansı səviyyədə olacağı və nəticədə istehlakçının bundan nə dərəcədə faydalana biləcəyi məsələsini gündəmə gətirir".

V.Bayramov qeyd edib ki, əsas məsələ isə yerli istehsalın sadəcə artması deyil, bunun dərman qiymətlərinə real təsirinin təmin edilməsidir.

Qeyd edək ki, Məsələ Pirallahı Sənaye Parkında yeni dərman istehsalı müəssisəsinin fəaliyyətə başlamasından sonra yenidən gündəmə gəlib.

Oktyabrın 5-də Prezident İlham Əliyevin iştirakı ilə “Gen Pharma Caucasus Manufacturing Operations” MMC-nin dərman istehsalı müəssisəsinin açılışı keçirilib.

Müəssisəyə qoyulan investisiyanın ümumi dəyəri 113,9 milyon manat təşkil edir. Zavodun illik istehsal gücü 60 milyon qutu dərman, o cümlədən 2,5 milyard tablet və kapsuldur.

Həmçinin oxuyun

Nazirlər Kabineti məktəblərlə bağlı yeni QƏRAR VERDİ 

Hindistanla əməkdaşlıq Azərbaycan üçün nələri dəyişə bilər? — AÇIQLAMA  

Yumurtanın qiyməti niyə qalxır? - Ekspert səbəbləri AÇIQLADI  

DTX əməliyyat keçirib:Həbs olunan BALAYEV KİMDİR?