AKŞ-dən sonra nələrə diqqət etməliyik?   

Mürəkkəb ürək-damar əməliyyatlarından, xüsusilə də aortokoronar şantlamadan (AKŞ) sonra reabilitasiya dövrü xəstənin həyat keyfiyyəti və sağlamlığının bərpası baxımından ən həssas və məsuliyyətli mərhələdir. Ürəyin normal fəaliyyətini bərpa etməsi, yeni damar yollarına uyğunlaşması və mümkün ağırlaşmaların qarşısının alınması üçün müəyyən tibbi qaydalara qəti şəkildə əməl olunmalıdır. Cərrahi müdaxilə bitdikdən sonra xəstələrin gündəlik rejimi, qidalanması və fiziki aktivliyi tamamilə yenidən tənzimlənməlidir. Bir çox insanlar bu dövrdə nələrə diqqət etməli olduqlarını və hansı qaydalara riayət etməyin vacibliyini bilməkdə çətinlik çəkirlər. Məhz bu vacib məqamları nəzərə alaraq, kardioloq AKŞ əməliyyatından sonrakı dövrlə bağlı ən vacib tövsiyələrini bölüşür. Xəstələrin nizamlı şəkildə həyata keçirməli olduğu addımlar onların gələcək sağlamlıq proqnozunu birbaşa müəyyən edir.

Oxu24.com əməliyyat keçirən xəstələrin evdə özlərini qorumaq üçün riayət etməli olduğu əsas qaydaları və diqqət yetirməli vacib məqamları ətraflı izah edir.

Əməliyyatdan sonra nəzərə alınmalı əsas qaydalar:

1.Həkim tərəfindən yazılan dərmanlara yüz faiz riayət olunmalıdır. Həkimin yazdığı dərmanları xəstə öz başına kəsməməli və ya azaltmamalıdır.

2.LDL səviyyəsinə diqqət edilməli, bu göstərici normalara uyğundur deyib keçməmək lazımdır. LDL səviyyəsi adətən 55 milliqram/desilitrdən, bəzi hallarda isə hətta 40-a qədər salınmalıdır. Bu səviyyə ildə ən azı 3-6 aydan bir yoxlanmalıdır.

3.Əgər siqaret çəkilirsə, qəti surətdə dayandırılmalıdır. Hətta siqaret çəkilən mühitdən belə uzaq durmaq vacibdir.

4.Təzyiqə nəzarət olunmalıdır, təzyiq 120/80, maksimum isə 130-138/90 səviyyəsindən yüksək olmamalıdır. Nəbz isə 55-70 arasında olmalıdır. Nəbzin sayı az olarsa, ürək daha çox dincələcək və qidalanacaqdır.

Qidaya diqqət edilməli, trans yağlar sıfır səviyyəsinə endirilməlidir. Daha çox meyvə, tərəvəz, bitki tərkibli qidalara üstünlük verilməli, yağlardan isə zeytun yağı seçilməlidir.

Piyada gəzmək artırılmalı, həftədə ən azı beş dəfə 30-40 dəqiqə piyada gəzmək lazımdır. Normal gecə yuxusu (7 saat) təmin olunmalı və stresdən uzaq durulmalıdır.

Nigar

Həmçinin oxuyun

Şad xəbər gəldi: Ödənişlərin 75 faizi silinir 

Nazirlər Kabinetindən pensiyalarla bağlı QƏRAR:Bu gündən qüvvəyə MİNİR

Onlara yüksək vəzifə verildi - ADLAR

Məleykə Əsədovaya ağır itki - FOTOLAR