Bakı 28°C
USD - 1.7010
EUR - 1.9120
RUB - 0.026
100244
az

Azərbaycanda həkimlər nadir əməliyyat keçirdi +VİDEO

23:1301 Yanvar, 2024
502
TİBB
  • A

Yeni Klinikada icbari tibbi sığorta çərçivəsində ödənişsiz olaraq ilk dəfə icra olunan və cərrahiyyədə ən bahalı əməliyyatlardan biri sayılan aorta damarının (bədənin ən böyük damarı) anevrizmasının qapalı yolla bərpası, endovaskulyar stent qreft yerləşdirilməsi uğurla icra edilib.

 

Oxu24.com -a Klinikadan verilən məlumata görə, bu münasibətlə keçirilən infosessiyada TƏBİB-in İcraçı direktorunun müşaviri Pərvin Əkbərov, Yeni Klinikanın direktoru Barat Yusubov, uzman invaziv radioloq Ağakişi Yəhyayev və uzman invaziv radioloq Nicat Alışev icra edilən əməliyyatla bağlı ətraflı məlumat veriblər.

 

TƏBİB-in İcraçı direktorunun müşaviri Pərvin Əkbərov bildirib ki, cərrahi əməliyyat zamanı Nicat Alışev, uzman ürək-damar cərrahı Əlizamin Yusifli və Ağakişi Yəhyayev tərəfindən xəstənin qarın boşluğunu açmadan bud nahiyəsinin qasıq hissəsindən balaca kəsiklə süni damar yerləşdirməklə həyata keçirilib.

 

Yeni Klinikanın direktoru Barat Yusubov məlumat verib ki, artıq son iki gündə dörd xəstənin əməliyyatı həyata keçirilib və hər biri uğurla başa çatıb.

 

Əməliyyatlara rəhbərlik edən uzman invaziv radioloq Ağakişi Yəhyayev əməliyyat prosesini əks etdirən görüntüləri nümayiş etdirərək bildirib ki, qarın aortasının anevrizması - qarın damarlarının genişlənməsidir.

 

Bu xəstəlik inkişafa meyillidir, diametri il ərzində orta hesabla 10 % arta bilər, bu da həmin damarların genişləndikcə partlamasına səbəb olur.

 

Qarın aortasının anevrizması ölüm faizi kifayət qədər yüksək olan xəstəliklərdəndir. Həmçinin xəstəliyin açıq cərrahi müalicəsində bir sıra fəsad və travmatik vəziyyət müşahidə edilə bilər.

 

Müasir dövrdə elm və texnikanın inkişafının tibb sahəsində özünü göstərməsi xəstəliyin cərrahi müalicəsinin artıq qapalı yolla icrasına şərait yaradıb.

 

Qeyd edilən riskləri minimum səviyyəyə endirən qarın aorta damarının anevrizmasının qapalı yolla bərpası artıq Yeni Klinikada icbari tibbi sığortanın Xidmətlər Zərfi çərçivəsində növbəti ildən mütəmadi olaraq həyata keçiriləcək.

 

 

Oxu24.com

ŞƏRHLƏR

BÖLMƏNİN ÇOX OXUNANLARI

Yaddaş üçün ən faydalı qidaların adları açıqlanıb
Gündə 2 mixək çeynəyin - Bir Həftədən Sonra nəticəsin görün (VİDEO)
Kişmiş suyunun sağlamlığa faydaları

WhatsApp-da yeni funksiya işə salındı

18+

Pəncərədən atılan qadın ərinə xəyanət edibmiş - ŞOK VİDEOSU YAYILDI
Kim birinci hücum edibmiş? - Ağadadaşın yeni videosu yayıldı
Burun əməliyyatı keçirən qadının gözü çəpləşdi - FOTO
Yaddaş üçün ən faydalı qidaların adları açıqlanıb
Qadını yaşadığı evdə qətlə yetirmək istəyən həmkəndlisi həbs edilib