Xalq artisti Aygün Kazımovanın bu gün təqdim etdiyi  “Hardasan” adlı mahnısı və klipi qalmaqala səbəb olub. 

Oxu24.az “Qafqazinfo”-ya istinadən xəbər verir ki, sənətçinin oxuduğu bəstəni bir neçə il bundan əvvəl Rəqsanə İsmayilova “İntizar” adı ilə repertuarına daxil edib.

Lakin bəstəkar İsmayıl Əsədov sözügedən mahnının Kazımovaya hədiyyə verib. Bundan xəbər tutan Rəqsanə Aygündən qabağa düşərək iki həftə əvvəl mahnını “Youtube” səhifəsində yerləşdirib. İfaçı instaqram səhifəsində də “İntizar”ı ard-arda paylaşıb.

Bununla da, hər iki məşhur arasında gərginlik yaşanıb.


Hətta Rəqsanə və Aygünün mübahisəsinə Rəhim Rəhimli də daxil olub.  O, Rusiyada yaşayan ifaçı ilə əlaqə saxlayaraq mahnının “Youtube” hesabından silməsini tələb edib. O, bəstənin yalnız Aygünün ifa edəcəyini söyləyib.

Rəqsanə də sözügedən layihə üçün bəstəkar İsmayil Əsədova 3 min manat ödəniş etdiyini iddia edib.

Qalmaqala sənətçinin qızı Aysun İsmayilova da qoşulub.  O, instaqramda “Bu mahnını illər əvvəl Rəqsanə İsmayilova ifa edib və mahnı anamındır. Son zamanlar onun yoxluğundan  bir çox məşhurlar istifadə edərək mahnılarını oxuyur. Deməli, Rəqsanə xanım illərdir efirlərə çıxmasa belə yaddaşlardan silinməyib” – şərh yazıb.

“Qafqazinfo” iki məşhuru düşmənə çevirən bəstənin müəllifi İsmayıl Əsədovla əlaqə saxlayıb. O, mahnını yaşatmaq üçün A. Kazımovaya müraciət etdiyini söyləyib:

“Mahnının müəllif hüquqları var. Bu hüquqlar kimə aiddirsə, seçimini özü edə bilər. Bu əsər 10 il efirə çıxmayıbsa, müəllifin hüququ var ki, onu başqasına versin. İllər əvvəl oxuduğun mahnını 2 həftə əvvəl “Youtube”a qoyarlar? Düzdür, ödəniş olunub, bizə yox, mahnının aranjımanına. Aygün Kazımova isə musiqini yeni aranjımanda ifa edib.  Məqsədimiz bu mahnını yaşatmaqdır”.


     Oxu24.com