"Bu günlər çox həssasam. Mən səhnə üçün nələri qurban etdim. Amma bu gün hüzur axtarıram ki, rahat oturum, məndən danışmasınlar. Məni tamamilə unutsunlar.  Heyfsləndim! Həyatımı qurban verdim". 

OXU24.COM olay-a istinadən xəbər verir ki, bu sözləri Xalq artisti Məleykə Əsədova "Söz Baz" proqramında qonaq olarkən deyib.  

Məşhur aktrisa efirdə göz yaşlarını saxlaya bilməyib, sevdiyi insanı səhnəyə dəyişdiyini bildirib:

"İllər əvvəl səhnəni atsaydım, imkanlı bir ailənin xanımı olardım. Qızımı da rahat böyüdərdim. O qədər gözəl şanslar var idi ki... Sevdiyim insanı səhnə üçün qurban verdim. Bilsəydim ki, bu cür şeylər var, heç səhnəni seçməzdim. Azərbaycanlı idi, səhnəni atıb başqa ölkəyə getməli idim. Sevə-sevə ayrıldım. Başqası ilə ailə qurdum. Sevəndə də adamı dəli kimi sevirəm. 

Bu gün isə tək qadın... Gül kimi uşaq böyüdürəm. Heç bir dəstəyim olmayıb.  Hətta atası belə köməklik etmir".