Paşinyanın dinlədiyi mahnının ifaçısı Zeynəb görün kim imiş – DOSYE+FOTOLAR 

Türkmənistanda səfərdə olan Ermənistan Baş naziri Nikol Paşinyan səhər saatlarında Türkmənbaşı şəhərində velosipedlə yürüşə çıxıb.

Oxu24.com  xəbər verir ki, Ermənistan Baş naziri sosial şəbəkə hesablarında bu barədə paylaşım edib və videonun sonunda əli ilə hər zaman etdiyi ürək simvolunu tutub.

Videoda diqqətçəkən məqam isə N.Paşinyanın həmin görüntüləri Azərbaycan dilində səslənən mahnının müşayiəti ilə paylaşması olub.

Mahnının sözlərinin Azərbaycan dilində olması Ermənistan hökumət başçısının izləyiciləri arasında müzakirələrə səbəb olub. Bəziləri Paşinyanın mahnının türkmən dilində olmasını zənn etdiyini bildirib.

Qeyd edək ki, sözügedən mahnını Zeynəb Həsəni adlı azərbaycanlı ifaçı oxuyub. Videodakı musiqinin janrından isə Paşinyanın sözügedən mahnının süni intellekt versiyasını dinlədiyini demək mümkündür. 

Ermənistanın baş naziri Nikol Paşinyanın dinlədiyi mahnı ilə gündəmə gələn Zeynəb Həsəni Azərbaycan estradasının gənc ifaçılarındandır.

Oxu24.com bildirir ki, Zeynəb Həsəni 12 sentyabr 1989-cu ildə anadan olub.

O daha çox “Necə darıxmışam”, “Tənha”, “Ağ göyərçinim”, “Dünya gözəli”, “Məni gözəl xatırla”, “Aram Aram” mahnıları ilə tanınır.

Musiqi aləmində Talıb Tale və Vasif Əzimovla duetləri ilə gündəmə gələn Zeynəb Həsəni “Aram-aram” mahnısı ilə müstəqil sənətçi olduğunu sübut etdiyini deyib.

Bəzi mahnıları Yutub platformasında 10,20,50 milyon izlənmə toplayıb.

2022-ci ildə isə onun özbək iş adamı Asqar Mustafo ilə münasibətdə olduğu barədə xəbərlər yayılıb. Cütlüyün sosial şəbəkələrdə birgə fotolar paylaşması diqqət çəkib. Sonradan müğənni şəxsi həyatı barədə danışmaq istəmədiyini bildirib.

Müğənninin həyatında ən ağır sınaqlardan biri isə süd vəzi xərçəngi ilə mübarizəsi olub. O, əməliyyat keçirib, müalicə alıb və bu xəstəlik səbəbindən anasını itirməyin ağrısını da yaşayıb.

Zeynəb xəstəliklə üzləşdikdən sonra yaşamaq arzusunun daha da gücləndiyini söyləyib.

Maraqlı açıqlamaları ilə də diqqət çəkən ifaçı meymunları çox sevdiyini, hətta gələcəkdə evində meymun saxlamaq istədiyini bildirib.

Qlobalinfo

Həmçinin oxuyun

Nazirlər Kabinetindən YENİ QƏRAR:Siyahı dəyişdi

Pensiya kapitalı ilə bağlı QAYDA DƏYİŞİR? - “144 ay əvəzinə...” 

Uşaq sayına görə pul veriləcək? – Azərbaycanda yeni mexanizm tətbiq oluna bilər 

4 gün iş olmayacaq