Ermənistanın Baş naziri Nikol Paşinyan 44 günlük müharibədəki kapitulyasiyaya görə keçmiş prezidentləri günahlandırıb.

O, keçmiş prezident Robert Koçaryanın hakimiyyəti dövründə həmin vaxt xarici işlər naziri olan Vardan Oskanyanın Qarabağı Azərbaycanın tərkib hissəsi kimi tanıdığını qeyd edib.

"Ermənistan Madrid prinsiplərini qəbul etməklə Qarabağı Azərbaycanın tərkib hissəsi kimi tanımışdı”, - deyə Paşinyan bildirib.

Ermənistanın Baş naziri keçmiş prezident Serj Sarkisyanı və sabiq xarici işlər naziri Edvard Nalbandyanı da sərt tənqid edib:

“Heç kim günahı mövcud hakimiyyətin üzərinə atmağa çalışmamalıdır”.