"Rusiya ilə danışıqların nə vaxt aparılacağına yalnız Ukrayna Prezidenti Volodimir Zelenski qərar verə bilər". 

Bunu Ağ Evin Təhlükəsizlik Şurasının strateji kommunikasiyalar üzrə koordinatoru Con Kirbi deyib.

Kirbi bildirib ki, ABŞ-ın terrorizmi himayə edən ölkələr siyahısına Rusiyanı əlavə etməsi Zelenski üçün mümkün danışıqları çətinləşdirəcək. Lakin ABŞ hakimiyyəti “daha yaxşı alternativlərin” olduğuna inanır.

Bundan başqa, Kirbi ABŞ-ın rəsmi Kiyevə Ukraynanın cənub və şərqdə döyüşməsi üçün lazım olan silahlarla, o cümlədən raket sistemləri ilə təmin etmək niyyətində olduğunu bildirib. O,  ABŞ-ın yaxın günlərdə Ukraynaya yeni hərbi yardım paketi göndərəcəyini də qeyd edib.