İranın üzdə mələk, altda kələk siyasəti: Bakıya uzanan barmaq KİMİNDİR?

SİYASƏT

1560

11.10.2026, 12:56

Xəbərlərimizi Google-da izləyin

Yeniliklərdən dərhal xəbərdar olun

İranın Azərbaycana qarşı uzun illər müxtəlif formalarda özünü büruzə verən siyasəti geosiyasi maraqlardan, ideoloji fərqliliklərdən və Cənubi Qafqazda qüvvələr balansından irəli gəlir.

İran rəsmiləri Azərbaycandakı milli-mədəni dirçəlişin və Azərbaycan Respublikasının güclənməsinin ölkə daxilindəki milyonlarla azərbaycanlıya təsir edəcəyindən narahatdırlar.

Xüsusilə Azərbaycanın müstəqil xarici siyasət yürütməsi, xüsusilə Türkiyə və Qərb ölkələri, eləcə də İsrail ilə strateji tərəfdaşlıq əlaqələri qurması Tehranda qısqanclıqla qarşılanır.

İran uzun illər işğal dövründə və sonrasında Ermənistanı Cənubi Qafqazda öz geosiyasi maraqlarının dayağı kimi görüb, erməni tərəfinin iqtisadi və siyasi nəfəsliyi rolunu oynayıb.

Zəngəzur dəhlizi layihəsi və Azərbaycanın təşəbbüskarı olduğu regional nəqliyyat layihələri İranın Ermənistan üzərindən Avropaya və Rusiyaya çıxışını zəiflədəcəyi üçün Tehran tərəfindən müqavimətlə qarşılanır.

Sadalanan və sadalanmayan faktlara görə İran hər zaman Azərbaycana qısqanclıq və kinli yanaşması ilə seçilib.

İranın Azərbaycanın daxili işlərinə burun soxması halları da danılmaz faktdır.

Bu gün sosial mediada guya Azərbaycanda hicab qadağası var məzmunda edilən paylaşımların da böyük əksəriyyəti məhz o İrandan edilir. Hansı ki,öz qadınları hicabdan imtina edərək,azadlığı seçən İrandan.

Mollanın başından əmmaməni qapazla vurub salınan İrandan!

Hər zaman üzdə mələk,altda kələk siyasəti yürüdən İrandan! Yaxud da,gündüz hacı,gecə bacı olan İrandan!