Hindistan kosmosa günəş zondu göndərib

Hindistan Aditya-L1 avtomatik günəş stansiyasını uğurla işə salıb.

Oxu24.com xəbər verir  ki,buraxılış Hindistan Kosmik Tədqiqatlar Təşkilatı (ISRO) tərəfindən öz saytında canlı yayımlanıb.

Bildirilir ki, bu, Hindistanın təşkil etdiyi Günəşi öyrənmək üçün ilk genişmiqyaslı ekspedisiyadır.

Bortunda stansiya olan PSLV-C57 daşıyıcı daşıyıcı Benqal körfəzindəki Şriharikota adasındakı milli kosmodromdan buraxılıb.

Aparatın Yerdən təxminən 1,5 milyon km məsafədə Günəş-Yer sisteminin Laqranj nöqtəsi regionunda haloorbitə salınması planlaşdırılır. Bu nöqtəyə çatmaq üçün cihaza 125 gün lazımdır.

Aydınlaşdırılır ki, bu məqamda avtomatik stansiya Yerə və Günəşə nisbətən stasionar ola bilər.

Avqustun 23-də Hindistanın “Çandrayaan-3” kosmik modulu Ayın səthinə uğurla enib. Hindistan Ayın Cənub Qütbünə kosmik gəmini uğurla endirən dünyada ilk ölkə olub.

 

Müəllif:Nigar