Bu videoda gördüyünüz hadisə Sumqayıt şəhər 29 saylı məktəbində baş verib. Fizika müəllimi 9-cu sinif şagirdinə fiziki təzyiq göstərib, onun başına vura-vura saçını qırxıb.

İddia olunur ki, hadisə şagird dərsə “səliqəsiz” saçla gəldiyinə görə baş verib. 

APA TV-nin əməkdaşları adı çəkilən məktəbdə olub.

Məktəbi şəxsi bərbərxanaları ilə səhv salan şəxslər bizi məktəbə buraxmadığından nə şagirdlə, nə də hadisəni törədən müəllimlə görüşə bildik. 

Şagirdlərin bildirdiyinə görə saçının forması ilə bağlı həmin şagirdə müəllim tərəfindən dəfələrlə xəbərdarlıq edilib. 

Şagirdin saçının qırxılması ilə bağlı müəllim və direktor Abşeron Xızı Regional Təhsil İdarəsinə çağırılıb.

Artıq faktla bağlı şagirdin valideynləri tərəfindən polisə də məlumat verilib.