Ukraynada Rusiyadan olan krimanal aləmin tanınmış üzvləri öldürülüb.

Oxu24.com Ukrayna mediasına  istinadən  xəbər  verir  ki, Bellingcat araşdırma layihəsi Ukraynada Rusiyadan olan ən azı üç kriminal avtoritetinin  öldüyünü müəyyən edib.

Onlar cinayətlərini 1990-2000-ci illərdə törədiblər, uzun müddətə azadlıqdan məhrum ediliblər, sonra isə Vaqner PMC-də işə götürülüb Ukraynaya gediblər.

Ukraynada məhv edilən krimanal avtoritetlərdən biri  Saratov vilayətindəki Balakovodan olan Andrey Berejnıxdır. O, 1994-cü ildə bazarın direktoruna sürücü kimi işə düzəlir və  direktoru öldürüləndən sonra qisas almaq qərarına gəlir.

Zamanla Berejnıx qatillər dəstəsinin lideri oldu. Məhkəmə Berejninin iştirak etdiyi on qətli sübut edə bildi. 2012-ci ildə o, 25 il həbs cəzası alıb. Onun Ukraynada ölümü 2023-cü il yanvarın əvvəlində məlum olub.

Ukraynada öldürülən digər avtoritet   “Maks” ləqəbli Sergey Maksimenkodur.

1990-cı illərin ortalarında o, Olimpiya dəstəsinə qoşuldu  və iki dəfə karate üzrə Rusiya çempionu olub. Dəstə reket, qəsb, dələduzluq və qətllə məşğul olurdu. Maksimenko 2014-cü ildə 25 il cəza aldı. O, dekabrın sonunda Ukraynada öldürülüb, yanvarın 4-də Penzada dəfn edilib.

Digər kriminal avtoritet  Nijnekamskdan olan 55 yaşlı İqor Kusk Əfqanıstan müharibəsi veteranıdır.

Xidmət etdikdən sonra sifarişli qətllər üzrə ixtisaslaşmış Kuskovski qrupunu yaratdı. 2015-ci ildə ona 23 il müddət həbs  verildi, məhkəmə cəzanı yüngülləşdirən hal kimi Kuskun veteranlar təşkilatlarında fəal olmasını, həmçinin bədən tərbiyəsi və ilkin hərbi hazırlıq dərsi keçməsini göstərdi. Onun Ukraynada ölüm tarixi məlum deyil. O, doğma Nijnekamsk qəbiristanlığının qəhrəmanlar xiyabanında dəfn edilib.

Rusiya tərəfi onların öldürülməsi iə bağlı rəsmi açıqlama yaymayıb.

Tərcümə:Miri Məcidli