Rusiyada təyyarə qəzaya uğrayıb.

Nenets Muxtar Dairəsində, Karatayka kəndindən 10 km aralıda An-2 təyyarəsi qəzaya uğrayıb. Sərnişinlərdən biri telefonla təyyarədə olanlardan ikisinin həlak olduğunu bildirib.

Oxu24.com xəbər  verir  ki,  bu  barədə  Rusiya Fövqəladə Hallar Nazirliyinin Telegram kanalı məlumat yayıb.

İlkin məlumata görə, təyyarədə iki ekipaj üzvü və on sərnişin olub.

Fövqəladə Hallar Nazirliyinin əməkdaşları qar avtomobilləri və helikopterlə hadisə yerinə gəliblər.

An-2 Naryan-Mar - Karatayka - Varandey - Naryan-Mar marşrutu üzrə uçurdu.

"Qəza təyyarənin buzlanması səbəbindən baş verib", - fövqəladə hallar xidmətindəki mənbə "İnterfaks"a bildirib.

Onun sözlərinə görə, ölənlər arasında bir ekipaj üzvü və bir sərnişin də var.

Agentliyin həmsöhbətinin sözlərinə görə, təyyarə adi təyyarə olub və onu Naryan-Mar Birləşmiş Aviasiya Eskadrilya ASC idarə edib.

Tərcümə: Miri Məcidli