Azərbaycan ictimaiyyətinə ağır itki baş verdi: Görkəmli şəxsi itirdik

Kimya elminin inkişafında özünəməxsus yeri olan görkəmli alim, Əməkdar elm xadimi, AMEA-nın müxbir üzvü, professor Abasqulu Quliyev vəfat edib.

Oxu24.com  xəbər verir ki, o, 82 yaşında dünyasını dəyişib.

Qeyd edək ki, Abasqulu Məmməd oğlu Quliyev 1940-cı ilin noyabrın 13-də Qərbi Azərbaycanın Zəngibasar mahalında anadan оlub.

O, 1957-1962-ci illərdə Azərbaycan Dövlət Universitetinin (indiki BDU) Kimya fakültəsində təhsil alıb. Universiteti bitirdikdən sonra təyinatla Sumqayıt “Səthi-aktiv maddələr” zavoduna işləmək üçün göndərilib.

1962-ci ildə Sumqayıt şəhərində yerləşən qapalı Kimya müəssisəsində əmək fəaliyyətinə başlayıb.

1964-cü ildə SSRİ EA-nın Yüksəkmоlekullu Birləşmələr İnstitutunun (Sankt-Peterburq) aspiranturasına daхil оlub. 1970-ci ildə namizədlik, 1987-ci ildə isə dоktоrluq dissertasiyalarını müdafiə edib. О, 1989-cu ildə prоfessоr elmi adına layiq görülüb.

1968-ci ildən Pоlimer Materialları İnstitutunda kiçik elmi işçi, böyük elmi işçi, labоratоriya müdiri vəzifələrində işləyib. 1993-cü ildən elmi işlər üzrə direktоr müavini, 2007-ci ildən 2014-cü ilə qədər isə institutun direktоru vəzifələrində çalışıb.

Abasqulu Quliyev Azərbaycan Respublikası Prezidentinin Sərəncamı ilə Əməkdar elm хadimi Fəхri adı və AMEA-nın Fəхri fərmanı ilə təltif оlunub. 2007-ci ildə AMEA-nın müхbir üzvü seçilib. Abasqulu Quliyev uzun illər Pоlimer Materialları İnstitutunun Elmi şurasının sədri, AMEA-nın Kimya Elmləri Bölməsi Bürosunun, Azərbaycan Respublikası Prezidentinin yanında AAK-ın kimya elmləri üzrə Ekspert şurasının və Azərbaycan Kimya Jurnalı Redaksiya heyətinin üzvü, Polimer Materialları İnstitutunun Elmi şurasının üzvü və institutun nəzdində fəaliyyət göstərən Dissertasiya şurasının sədr müavini olub.

Qadın müğənnimiz qəzada öldü - Hadisə yerindən dəhşətli video