Tələbələrin diqqətinə! Universitet təmirə bağlanır

Bakı Dövlət Universitetinin (BDU) 2 saylı korpusu təmirə bağlanacaq. 

BAKU.WS-in əldə etdiyi məlumata görə, 2-ci korpus təmirlə əlaqədar 1 semestrlik bağlanacaq. 

Bu müddət ərzində universitetin sözügedən korpusunda təhsil alan birinci və üçüncü kurs tələbələri Odlar Yurdu Universitetinə, ikinci və dördüncü kurslar isə Təfəkkür Universitetinə tədrislərinə davam etdirəcəkləri bildirilir.  

BAKU.WS məsələ ilə bağlı universitetlə əlaqə saxlayıb.

Təhsil ocağının mətbuat xidmətindən bildirildi ki, 2 saylı korpusun təmir etdirilməsi məsələsi gündəmdədir.

Lakin hələlik nə təmirin vaxtı, nə də tələbələrin hara köçürüləcəyi məsələsi dəqiq deyil.