“Payız aylarında koronavirusa yoluxanların sayının artması gözlənilir. Amma məncə məktəblərin bağlanmasına ehtimalı azdır”.

Oxu24.com  xəbər verir ki, bunu təhsil naziri Emin Əmrullayevin “Azərbaycan Respublikasının 2022-2026-cı illərdə sosial-iqtisadi inkişaf Strategiyası” və digər məsələlərlə bağlı keçirdiyi brifinqdə bildirib.

Onun sözlərinə görə, ayrı-ayrı təhsil müəssisələrində virusa yoluxma sayı ilə əlaqədar müəyyən tədbirlər görülə bilər: “Yəni, müəyyən məktəblər yoluxmalara görə bağlana bilər. Biz hazırda da müvafiq səhiyyə qurumları ilə müzakirələr aparırıq".

E.Əmrullayev qeyd edib ki, Nazirlər Kabineti yanında Operativ Qərargah nə qərar versə, Nazirlik də ona əməl edəcək.

" Amma hazırkı yoluxma statistikası məktəblərin bağlanacağı ehtimalını azaldır”, - deyə Emin Əmrullayev vurğulayıb.