Danimarka parlamenti Quranın yandırılması da daxil olmaqla, “tanınmış dindarlar icması üçün böyük dini əhəmiyyət kəsb edən mətnlərin qeyri-adekvat şəkildə idarə edilməsini” qadağan etməyə səs verib.

Oxu24.com  xəbər  verir  ki,bu barədə TASS məlumat yayıb.

Nəşr qeyd edir ki, 94 deputat qanun layihəsinin “lehinə”, 77 deputat isə qadağanın “əleyhinə” səs verib.

Yeniliyin yeddi gündən sonra qüvvəyə minəcəyi bildirilib.

Qanun mühüm dini mətnlərlə yanlış rəftar etməyi cinayət hesab edir, pozuntular iki ilə qədər həbs cəzası ilə cəzalandırılır.

Bundan əvvəl İsveçin baş naziri Ulf Kristersson bildirmişdi ki, ölkə hakimiyyəti Danimarkadan sonra dini kitabların yandırılmasına qadağa qoymağı planlaşdırmır, çünki bu, krallığın konstitusiyasına düzəlişlər edilməsini tələb edir.

Eyni zamanda, o, Danimarkanın qərarına böyük hörmətlə yanaşdığını, lakin İsveçin ondan nümunə götürməsinin konstitusiyaya düzəlişlər etmək demək olduğunu, buna görə də bu, krallıq üçün ən uyğun yol olmadığını vurğulayıb.

Bundan əvvəl Rusiya Xarici İşlər Nazirliyi Quranın cəzasız yandırılmasının fəlakətli nəticələri barədə xəbərdarlıq etmişdi.

Müəllif: Nigar