İsmayıllı rayonundakı Aşıqbayramlı su anbarında su əhəmiyyətli dərəcədə azalıb.

OXU24.COM  xəbər verir ki, bu barədə Trend-ə rayon sakinləri məlumat verib.
 

Məsələ ilə bağlı Azərbaycan Meliorasiya və Su Təsərrüfatı Açıq Səhmdar Cəmiyyətinin mətbuat katibi Dilqəm Şərifov bildirib ki, torpaq məcralı kanallar beton üzlüyə alınır.

"Suvarma mövsümü qutardığından anbarda iş gedir. Bu səbəbdən də anbara su verilə bilmədiyindən su azalır. Başqa bir səbəb isə yol çəkilişi ilə əlaqədar boru xətlərinin yerləri dəyişməsi və yenilərinin qoyulmasıdır. Bununla bağlı İsmayıllı Rayon İcra Hakimiyyətinə məlumat verilib. Növbəti ayın 15-də anbara su veriləcək", - deyə o qeyd edib.

Qeyd edək ki, Aşıqbayramlı su anbarı İsmayıllı rayonu ərazisində İvanovka kəndi yaxınlığında yerləşir. Dəvəbatan çayının yatağında yerləşir. Dəvəbatan çayının suyunu bənd vasitəsilə saxlamaq üçün yaradılmış bu göl 1951-ci ildə istifadəyə verilob. Göyçay rayonunun pambıq tarlalarını suvarmaq üçün istifadə olunur. Adını yaxınlığındakı eyniadlı kənddən alıb. Su anbarı 5 kəndi suvarma suyu ilə təmin edir.