Fransada saxlanılan Rusiya vətəndaşı, "Alfa Group"un ortağı Aleksey Kuzmiçev məhkəmə qarşısına çıxarılacaq.

Oxu24.com bu barədə ölkənin Milli Maliyyə Prokurorluğuna (PNF) istinadən xəbər verir.

“Günortadan sonra cənab Kuzmiçev ittihamlarla üzləşmək üçün hakim qarşısına çıxacaq",-deyə məlumatda qeyd edilib.

Qeyd olunur ki, Kuzmiçev 48 saatlıq maksimum həbs müddətinin başa çatmasına baxmayaraq, hələ də həbsdədir.

Ona qarşı ittiham irəli sürülərsə, iş adamı müvəqqəti həbsə göndərilə və ya məhkəmə nəzarətinə verilə bilər.

Oktyabrın 30-da məlum olub ki, Fransa polisi “Alfa Group”un ortaq sahibi Aleksey Kuzmiçevi çirkli pulların yuyulmasında şübhəli bilinərək saxlayıb.

“Le Monde”un məlumatına görə, Kuzmiçev oktyabrın 30-da saxlanılıb. Onun Parisdəki evində və Sankt-Tropezdəki villasında axtarışlar aparılıb.

Nəşr vurğulayır ki, Kuzmiçev mümkün çirkli pulların yuyulması, həmçinin vergidən yayınma və digər qanun pozuntuları ilə bağlı təhqiqat aparır.

Müəllif:Afət