NATO-nun baş katibi Yens Stoltenberq prezident Rəcəb Tayyib Ərdoğanın İsveçin üzvlük protokolunu imzalamasını və Türkiyə Böyük Millət Məclisinə (TBMM) göndərməsini alqışlayıb.

Oxu24.com xəbər verir  ki,Stoltenberq protokolun prezident Ərdoğan tərəfindən imzalanmasından sonra açıqlama verib.

Prezident Ərdoğanın İsveçin üzvlük protokolunu imzalamasını və Türkiyə Böyük Millət Məclisinə göndərməsini alqışlayıram”,- deyə Stoltenberq bildirib.

"Mən ratifikasiya ilə bağlı sürətli səsvermənin keçirilməsini və İsveçin NATO-nun tam müttəfiqi kimi tezliklə qəbul edilməsini səbirsizliklə gözləyirəm. Həftə sonu prezident Ərdoğanla görüşümüz zamanı ifadə etdiyim kimi, bu, bütün Alyansı daha güclü və təhlükəsiz edəcək".

Stoltenberq sabah İsveçə səfər edəcək və baş nazir Ulf Kristerssonla görüşəcək.

Müəllif: Miri Məcidli