ABŞ Maliyyə Nazirliyi sanksiya siyahısına Rusiyanın aviasiya ilə bağlı üç şirkətini daxil etmək üçün yeniləyib.

Oxu24.com xəbər verir  ki,bu barədə idarənin saytında məlumat verilir.

Qeyd olunur ki, şirkətlər İranla əlaqələr bəhanəsi ilə sanksiya siyahısına salınıb.

Məhdudiyyət İranın dövlət təyyarə istehsalı korporasiyası Iran Aircraft Manufacturing Industries Corporation (HESA) ilə qarşılıqlı əlaqədə olan şirkətlərə şamil edilib.

Bundan əvvəl Ağ Ev rəhbəri Co Bayden bəyan etmişdi ki, Vaşinqton İranın keçmiş prezidenti Mahmud Əhmədinejada və ölkənin kəşfiyyat nazirliyinə qarşı sanksiyalar tətbiq edəcək.

Sentyabrın 15-də ABŞ İranın üç aparıcı media orqanına: Fars və Tasnim xəbər agentliklərinə və Press TV kanalına qarşı sanksiyalar tətbiq edib.

Bir gün əvvəl ABŞ Dövlət Departamentinin sözçüsü Metyu Miller bildirmişdi ki, Ağ Ev ölkənin 6 milyard dollarlıq aktivlərinin dondurulmasından sonra İran hakimiyyətinin hərəkətlərini diqqətlə izləyəcək.

Müəllif:Afət