ABŞ prezidenti Co Baydenin administrasiyası yəqin ki, Ukraynanın çoxdan almaq istədiyi Kiyevə hələ də uzaqmənzilli ATACMS raketləri göndərəcək.

Oxu24.com xəbər verir  ki,"Onlar (raketlər) yoldadır" deyə  təhlükəsizlik yardım planlarına çıxışı olan bir məmur ABC News-a bildirib.

İkinci rəsmi bildirib ki, raketlər nəzərdən keçirilir və ehtimal ki, qarşıdan gələn hərbi yardım paketinə daxil ediləcək. Lakin o, hələlik yekun qərarın verilmədiyini də əlavə edib. Onun sözlərinə görə, Ukrayna raketləri alana qədər aylar keçə bilər.

ATACMS, Ukraynanın HIMARS buraxılış qurğularından atılan 300 km-ə qədər mənzilli taktiki ballistik raketlərdir. Ukrayna ordusu artıq Britaniyanın "Storm Shadow" qanadlı raketləri və oxşar Fransız SCALP qanadlı raketləri şəklində oxşar diapazonlu silahlara malikdir, lakin bunlar səsdən aşağı sürətlə uçur, ATACMS isə ballistik trayektoriya üzrə üç dəfə sürətlə hərəkət edir.

ABŞ Ukraynanın tələblərinə baxmayaraq, indiyədək ATACMS raketlərini verməkdən imtina edib. ABC News iki amerikalı məmura istinadən iddia edir ki, Birləşmiş Ştatlar öz arsenalında əvvəllər düşünüldüyündən daha çox ATACMS aşkar edib. Bununla belə, aşkarlanan ehtiyatın nə dərəcədə yararlı olduğu, hansı növ raketin olduğu hələlik bəlli deyil.

Müəllif: Nigar