Rusiyanın Kemerovo vilayətində fərdi yaşayış evində baş verən yanğın nəticəsində iki uşaq və iki böyük ölüb

Oxu24.com xəbər  verir ki, İyunun 30-na keçən gecə Kemerovo vilayətinin Taştagöl şəhərində fərdi yaşayış evində baş verən yanğın nəticəsində ikisi uşaq olmaqla 4 nəfər ölüb.Hadisə ilə bağlı  cinayət işi başlanıb.

İdarənin məlumatına görə, Novokuznetskdən yaşlı ər-arvad qızlarını ziyarətə gəliblər. Gecə saatlarında evi alov bürüyüb. 39 yaşlı qadın 17 yaşlı oğlu və dörd yaşlı qızı ilə birlikdə çölə çıxa bilib. İndi xəstəxanadadırlar.

“Saat 04:00 radələrində Daştagöl şəhərində fərdi yaşayış evlərindən birində baş vermiş yanğın söndürüldükdən sonra 62 yaşlı kişi, 58 yaşlı qadın və 8 yaşlı oğlan və qızın meyiti  tapılıb”, - deyə məlumatda bildirilir.

Faktla bağlı ehtiyatsızlıqdan iki və daha çox şəxsin ölümünə səbəb olma maddəsi ilə cinayət işi başlanıb. Müstəntiqlər hadisə yerindədir. 

Tərcümə:Aynurə Məcidova