ABŞ Türkiyə prezidenti Rəcəb Tayyib Ərdoğanın taxıl sazişinin 60 gün müddətinə uzadılması qərarını alqışlayır.

Oxu24.com xəbər  verir  ki, bu barədə Dövlət Departamentinin mətbuat xidmətinin rəhbərinin müavini Vedant Patel məlumat verib.

"Biz  Ərdoğanın Qara Dəniz Taxıl Təşəbbüsünün müddətinin uzadılması ilə bağlı açıqlamasını alqışlayırıq. Əvvəllər qeyd edildiyi kimi, biz BMT və Türkiyənin qlobal ərzaq və taxıl qiymətlərini aşağı saxlayan razılaşma üçün səylərini güclü şəkildə dəstəkləyirik", - Patel bildirib. .

Xatırladaq ki, Türkiyə prezidenti mayın 17-də taxıl müqaviləsinin 60 gün uzadıldığını açıqlamışdı. Daha sonra Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Moskva müqavilənin iki ay uzadılmasını təsdiqləyir. O əlavə edib ki, bu addım qlobal ərzaq təhlükəsizliyini təmin etməyə kömək etmək şansı verir.

Miri Məcidli