Çin Ukraynaya qarşı müharibədə Moskvaya kömək etmək üçün Rusiyaya yardım verilməsini təsdiqləyib.

Oxu24.com xəbər  verir  ki, “The Washington Post”un yazdığına görə, Rusiya kəşfiyyatının belə məlumatları bu yaxınlarda açıqlanan məxfi sənədlərdə tapılıb.

Pekin son qərarı 2023-cü ilin əvvəlində verib. Bu yardımın mülki əşyalar kimi maskalanması sayəsində çatdırılmaların həyata keçirilməsi planlaşdırılırdı.

Silahların tədarükü tədricən həyata keçirilməli idi. Çin bu məlumatı açıqlamaq istəməyib, hər şeyi gizli saxlamaq istəyib.

Bununla belə, ABŞ-da deyildiyi kimi, Çindən Rusiyaya öldürücü silahların birbaşa çatdırılması hələ də təsdiqlənməyib.

“Biz Çinin Rusiyaya silah ötürdüyünə və ya ölümcül yardım etdiyinə dair sübut görmədik. Lakin biz narahatıq və yaxından izləməyə davam edirik”, - Washington Post -a administrasiyasının yüksək rütbəli rəsmisi bildirib.

ABŞ bu məlumatı Rusiya Xarici Kəşfiyyat Xidmətinin danışıqlarını dinləməsi sayəsində əldə edə bilib.

Tərcümə: Miri Məcidli