Almaniya Xarici İşlər Nazirliyi öz vətəndaşlarını “əsassız həbs” təhlükəsini və ölkədə vəziyyətin mümkün pisləşməsini xatırladaraq, Rusiyaya səfərlərdən çəkinməyə çağırıb.

Oxu24.com  xəbər  verir  ki, Almaniya Xarici İşlər Nazirliyi tərəfindən aprelin 4-də Rusiyaya səfərə gedən və ya bu ölkədə olan Almaniya vətəndaşları üçün yenilənmiş tövsiyələr dərc edilib.

Rusiyada gözlənilən təhlükələr siyahısına “özbaşına həbs”lə yanaşı, terror aktları riski, turizm mərkəzlərində şəxsi əşyaların oğurlanması, klublarda narkotiklərin paylanması, cinsi zorakılığın qurbanına çevrilmə riski də daxildir.

Bundan əlavə, Ukrayna ilə həmsərhəd bölgələrdə və Şimali Qafqaz respublikalarında təhlükəsizlik riski qeyd olunub. Rusiyaya məcburi səfər zamanı Almaniya Xarici İşlər Nazirliyi onu diqqətlə planlaşdırmağı və sadalanan bütün “təhlükələri” nəzərə almağı məsləhət görür.

Miri Məcidli