Rusiyada jurnalistə qarşı terror olub.

Oxu24.com Rusiya mətbuatına istinadən  xəbər verir ki, Rusiya prezidentinin mətbuat katibi Dmitri Peskov “hərbi müxbir” Vladlen Tatarskinin qətlini “terror hücumu” adlandırıb.

Peskov bildirib ki, Kiyev terror aksiyalarını dəstəkləyir və 2014-cü ildən çoxlu sayda insanın qətlinin arxasında dayanır, buna görə də “xüsusi əməliyyat” keçirilir.

Xatırladaq ki, Vladlen Tatarski (Maksim Fomin) aprelin 2-də Sankt-Peterburqda "yaradıcılıq gecəsi"nin keçirildiyi kafedə baş verən partlayış nəticəsində həlak olub. Partlayış nəticəsində 32 nəfər xəsarət alıb, 25 nəfər xəstəxanaya yerləşdirilib.

Tərcümə: Miri Məcidli