Wagner PMC-nin təsisçisi Yevgeni Priqojin Ukraynadakı bu yarımhərbi qruplaşmanın fəaliyyətini məhdudlaşdırmağa və “yenidən Afrikaya diqqət yetirməyə” hazırlaşır.

Oxu24.com  xəbər  verir   ki, bu barədə “Bloomberg” adı açıqlanmayan “bu məsələ ilə tanış olan” mənbələrə istinadən məlumat yayıb.

Kreml azadlıqdan məhrumetmə yerlərində əsirlərin müharibəyə cəlb edilməsini qadağan etdikdən və "muzdluların özlərini döyüş sursatından məhrum etdikdən" sonra PMC bölmələrinin Ukraynada döyüşməsi  xeyli çətinləşib.

Agentliyin məlumatına görə,Vaqner qoşunları aylarla davam edən cəhdlərə və  böyük  itkilərə baxmayaraq, indiyədək əsas hədəflərini - Ukraynanın Baxmut şəhərini ala bilməyiblər. 

Öz növbəsində Priqojin özü də Rusiya mətbuatına müsahibəsində bildirib ki, “Vaqneritlər Ukraynada işlərini bitirməyi planlaşdırmırlar”.

“Bloomberg-in nə xəbər verdiyini bilmirəm, amma görünür, onlar bundan sonra nə edəcəyimizi məndən daha yaxşı bilirlər. Nə qədər ki, ölkəmizin bizə ehtiyacı var, biz Ukrayna ərazisində döyüşürük”,- deyə Vaqner rəhbəri bildirib.

Tərcümə: Miri Məcidli