Ərəb dənizində Rusiya, Çin və İranın “Dəniz təhlükəsizlik kəməri - 2023” üçtərəfli hərbi dəniz təlimləri başlayıb.

Oxu24.com xəbər  verir  ki, bu barədə Rusiya Federasiyası Müdafiə Nazirliyinin məlumatında deyilir.

“Bu gün Ərəbistan dənizinin sularında İran İslam Respublikasının Çahbahar limanı yaxınlığında Rusiya Federasiyası Hərbi Dəniz Qüvvələrinin iştirakı ilə “Dəniz təhlükəsizlik kəməri - 2023” üçtərəfli hərbi dəniz təlimi başlayıb. Çin Xalq Azadlıq Ordusu və İran İslam Respublikasının Hərbi Dəniz Qüvvələri” də təlimlə  iştirak edir, -  deyə hərbi idarədən bildirilib.

Rusiya tərəfini Şimal Donanmasının gəmilər dəstəsi - "Sovet İttifaqı Donanmasının Admiralı Qorşkov" freqatı və "Kama" orta dəniz tankeri təmsil edir.

Tərcümə: Miri Məcidli