Martın 4-də saat 23 radələrində Xəzər rayonunun Şüvəlan qəsəbəsi ərazisində “Toyota Prius” markalı avtomobildə sürücü sərnişini tərəfindən bıçaqla hədələnib.

Bu barədə Oxu24.com-a Daxili İşlər Nazirliyindən (DİN) məlumat verilib.

Xəzər RPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində quldurluq əməlində şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş Tərlan Qasımov müəyyən olunaraq saxlanılıb.

Rəsmi məlumata görə, hazırda faktla bağlı araşdırma aparılır.