"Azərişıq" ASC-nin sədri Vüqar Əhmədov martın 10-da, saat 10:00-da Hacıqabul şəhərində Hacıqabul və Şirvan rayonlarından olan vətəndaşları qəbul edəcək.

Bu barədə Oxu24.com-a qurumdan məlumat verilib.

Qəbul Hacıqabul şəhəri, İsmət Qayıbov küçəsində yerləşən Hacıqabul Elektrik Şəbəkəsinin inzibati binasında keçiriləcək.

Qəbulda iştirak etmək istəyən şəxslər Hacıqabul Elektrik Şəbəkəsinə və yaxud "Azərişığ"ın 199 çağrı mərkəzinə, [email protected] elektron poçt ünvanına müraciət etməklə qeydiyyatdan keçə bilərlər. Yeni növ koronavirus (COVID-19) infeksiyası ilə bağlı mövcud sanitar-epidemioloji vəziyyətə uyğun olaraq, qəbulda peyvənd və ya immun sertifikatı, eləcə də əks-göstəriş sertifikatı olan şəxslər iştirak edə bilərlər.