Kahramanmaraşda baş verən zəlzələlərdən sonra Təhlükəsizlik Baş İdarəsi (EGM) sosial mediada təxribat xarakterli yazılar yayımlayan 925 hesab menecerindən 548-i haqqında qanuni tədbir görüb.

Oxu24.com xəbər verir  ki, EGM-nin verdiyi açıqlamaya görə, Kibercinayətkarlıqla Mübarizə İdarəsi cinayət və cinayətkarlarla mübarizə aparmaq üçün internetdə 24/7 virtual patrul fəaliyyəti həyata keçirir.

Zəlzələlərdən sonra cəmiyyətdə qorxu və çaxnaşma yaratmaq məqsədilə sosial media platformaları vasitəsilə təxribat törətdikləri hesab edilən 925 hesab menecerindən 548-i barəsində məhkəmə işi başlanıb.

Baş Prokurorluğun göstərişi ilə saxlanılan 134 şübhəlidən 25-i həbs edilib.

Tərcümə: Miri Məcidli