Ərəbistan dənizində İsrailin azı bir gəmisi fevralın 10-da hücuma məruz qalıb. Hücum İran tərəfindən həyata keçirilib.

Bu barədə Oxu24.coom  BBC-yə istinadən xəbər verir.

Britaniyanın dənizdə təhlükəsizlik üzrə şirkəti “Ambrey Intelligence” Ərəbistan dənizində üç gəminin pilotsuz uçuş aparatları tərəfindən hücuma məruz qaldığını bildirib. Şirkət hücumun arxasında Tehranın olduğunu ehtimal edir.

İsrail gəmisinə pilotsuz təyyarə ilə hücum İslam İnqilabı Keşikçiləri Korpusunun bölməsi tərəfindən həyata keçirilib.

KİV-in məlumatına görə, İran İnqilabı Keşikçiləri Korpusu Fars körfəzində İsrailli iş adamı Eyal Oferə məxsus “Campo Square” tankerinə “Şahed” pilotsuz təyyarələrini buraxıb. Pentaqon və digər müdafiə nazirliklərindəki mənbələr bu məlumatı təsdiqləyib.

Yaxın Şərqdəki hərbi mənbələrə əlavə olaraq, ABŞ ordusundan bildirilib ki, onların fikrincə, keçən cümə günü hücumda “Şahed” pilotsuz uçan aparatından istifadə edilib.

Mənbələrin bildirdiyinə görə, eyni bölgədə "Pacific Zicron" və "Mercer Street" tankerləri də hücuma məruz qalıb.

Səudiyyə Ərəbistanı xəbər agentliyi eyni bölgədə Birləşmiş Ərəb Əmirliklərinə məxsus gəmiyə də oxşar hücumun həyata keçirildiyini bildirib.

Nigar