Rusiya ordusu 24 fevral 2022-ci ildə işğal üçün yığdığı döyüşə hazır tanklar parkının yarısını itirib.

Oxu24.com xəbər  verir  ki, bu barədə CNN telekanalı münaqişənin hər iki tərəfinin avadanlığının sənədləşdirilmiş itkilərini izləyən Oryx layihəsinin məlumatlarına istinadən məlumat yayıb.

Oryx hesab edir ki, Rus ordusunun ümumi tank itkiləri 1688 ədəddir.

“Rusiya müharibəyə 3000-ə yaxın tankla başladı. Buna görə də istifadə edilə bilən tankların yarısının itirilməsi ehtimalı yüksəkdir "deyə hərbi analitik və Oriks layihəsinin iştirakçısı Yakub Yanovski bildirir.

Ukrayna Silahlı Qüvvələrinin Xarkov vilayətində payız əks-hücum əməliyyatı zamanı Rusiya ordusu rekord sayda tank itkisinə məruz qalıb. Yalnız sentyabrın 6-dan 10-dək İzyum yaxınlığında yerləşən 4-cü Mühafizəçi Tank Ordusu texnikasının təxminən yarısını və ya 100-ə yaxın tankını itirdi.

Tərcümə:Miri Məcidli