Litva Ukrayna Silahlı Qüvvələrinə (AFU) 36 Bofors L70 zenit silahı təhvil verməyə başlayıb.

Oxu24.com xəbər verir  ki, bunu Litvanın müdafiə naziri Arvydas Anuşauskas Ukrayna Müdafiə Nazirliyinin rəhbəri Aleksiy Reznikovla birgə keçirdiyi brifinqdə deyib.

"Biz artıq Ukrayna ərazisində işləməyə hazır olacaq 15 təlimatçının təlimini başa çatdırmışıq. Və biz artıq pilotsuz təyyarələrlə uğurla mübarizə apara bilən 36 kompleks təqdim edirik", - deyə  Litva Müdafiə Nazirliyinin rəhbəri bildirib.

Yanvarda Litva Ukraynaya İsveçin "Bofors" konserni tərəfindən istehsal olunan L70 avtomatik zenit silahları, döyüş sursatları və ümumi dəyəri 125 milyon avro olan iki Mi-8 helikopteri (təxminən 30 ildir istismar olunur) verməyə hazır olduğunu bəyan edib.

 Anusauskasın 2022-ci il dekabrın sonunda bəyan etdiyi kimi, Litvanın Ukraynaya göstərdiyi hərbi yardım 2023-cü ildə 300 milyon avronu keçəcək.

Bu il nazirin əvvəllər dediyi kimi, 40 milyon avro məbləğində hərbi təchizat planlaşdırılır və müharibə başlayandan bəri Vilnüs Kiyevə 283 milyon avro məbləğində hərbi yardım göstərib.

Tərcümə: Nigar