İndoneziyanın Cayapura şəhəri yaxınlığında cümə axşamı baş verən zəlzələ nəticəsində azı 4 nəfər ölüb.

Oxu24.com xarici mediaya  istinadən  xəbər  verir   ki, bu barədə İndoneziya Milli Fəlakətlərin İdarə Edilməsi Agentliyi öz Facebook səhifəsində məlumat yayıb.

“Fövqəladə Hallara Qarşı Mübarizə Milli Agentliyinin Əməliyyatlara Nəzarət Mərkəzinin məlumatına görə, saat 15:00-a (Bakı vaxtı ilə 12:00 - red.) hadisə nəticəsində azı 4 nəfər ölüb”, - məlumatda deyilir.

Cayapura Regional Fəlakətlərin İdarə Olunması Agentliyinin məlumatına görə, zəlzələ bir mağaza, xəstəxana binaları və məscidi dağıdıb.

Səlahiyyətlilər əhaliyə mümkün afterşoklarla bağlı ehtiyatlı olmağı tövsiyə edib.

Miri Məcidli