Gürcüstanın baş naziri İrakli Qaribaşvili Müdafiə Nazirliyinin rəhbərliyi ilə birlikdə Polşa tərəfi ilə birgə istehsal olunmuş pilotsuz uçuş aparatlarının ilk sınaq sınaqlarının keçirilməsində iştirak edib.

Oxu24.com xəbər  verir   ki, bu barədə Gürcüstan hökumətinin mətbuat xidməti məlumat yayıb.

“Gürcüstanın baş naziri İrakli Qaribaşvili Gürcüstan-Polşa müəssisəsində istehsal olunan pilotsuz uçuş aparatlarının sınaq uçuşunda iştirak edib. Döyüş və kəşfiyyat pilotsuz uçuş aparatları sınaq uçuşunu uğurla həyata keçirib", - deyə rəsmi açıqlamada qeyd  edilib.

Sınaq uçuşları “Warmate” kamikadze pilotsuz uçan aparatı və “FlyEye” kəşfiyyat aparatı ilə həyata keçirilib.

Warmate, hədəfi məhv etməkdə yüksək effektivliyə və dəqiqliyə malik olan, gəzən bir təyyarədir. Bu PUA müxtəlif döyüş başlıqlarını daşıya bilir.

FlyEye çətin meteoroloji şəraitdə, eləcə də elektron hücum zamanı kəşfiyyat missiyalarını yerinə yetirə bilir. Dron məlumatları qəbul edir, təhlil edir və sonra real vaxt rejimində yerə ötürür.

Gürcüstanın müdafiə naziri Xuanşer Burçuladzenin sözlərinə görə, bu PUA-ların kütləvi istehsalına apreldə başlanılması planlaşdırılır.

Tərcümə: Miri Məcidli