Rusiyanın Teleqram kanalları cümə axşamı günü nzibati binanın damında  "Pantsir-S1" zenit-raket kompleksi  quraşdırıldığını göstərən fotolar dərc edib.

Oxu24.com Rusiya mediasına istinadən  xəbər   verir  ki,  dərc olunan fotolardan birində Rusiya Müdafiə Nazirliyinin damında “Pantsir” peyda olub.

Daha bir şəkil “Taqanskaya” metrostansiyası yaxınlığında çəkilib.

Damda, ehtimal ki, hərbi geyimli insanlar tikinti kranının köməyi ilə "Pantsir"ə bənzəyən şeyi qaldırıblar.

"Hərbi Xəbərçi" Telegram kanalı Moskvada Müdafiə Nazirliyinin əsas binasında "Pantsir" hava hücumundan müdafiə raket sisteminin görünməsi barədə məlumat yayıb.

Bunlar ilk belə mesajlar deyil. Keçən həftə teleqram kanallarında hava hücumundan müdafiə sistemlərinin Losiny Ostrov və Timiryazev Akademiyasının ərazisində peyda olduğunu göstərən fotoşəkillər yayımlandı.

"Pantsir-S1" özüyeriyən zenit-raket kompleksidir və quruda və dənizdə yerləşir. O, mülki və hərbi obyektlərin bütün hava hücumlarından, həmçinin yerüstü və yerüstü təhlükələrdən yaxından qorunması üçün nəzərdə tutulub. Xarici dəstək olmadan o, 20 kilometrə qədər məsafədəki hədəfləri tutmağa qadirdir.

Tərcümə: Miri Məcidli