Pakistanın Kvetta şəhərindən olan çoxarvadlı kişi 60-cı dəfə ata olub və dayanmağı planlaşdırmayıb.

OXU24.COM bildirir ki, onun planları haqqında hekayəsini "Daily Mirror" nəşr edib.

50 yaşlı həkim Sardar Can Mohammad Xan Xilcinin üç arvadı və 60 övladı var. Kişinin ilk dəfə nə vaxt ata olduğu və üç qadının hər birinin neçə uşaq dünyaya gətirdiyi dəqiq məlum deyil. Ailənin sonuncu nəvəsi Hacı Xuşxal Xan adlı oğlan olub.

Xilcinin dediyinə görə, ərzaq məhsullarının qiymətinin getdikcə artması səbəbindən belə böyük ailəni dolandırmaq onun üçün çətindir. "Bütün əsas məhsulların, o cümlədən un, kərə yağı və şəkərin qiyməti üç dəfə artıb", - o, şikayətlənib.

Çətinliklərə baxmayaraq, pakistanlı dayanmağı planlaşdırmayıb və dostlarından ona daha çox uşaq dünyaya gətirəcək dördüncü arvad tapmaqda köməklik etmələrini xahiş edib.